HRA (House Rent Allowance) Kya Hota Hai?
Agar aap kahin job karte hain, toh aapki salary slip me ek component hota hai HRA. Ye company aapse isliye deti hai taaki aap apne rent ka kharcha nikal sakein. Sabse achhi baat ye hai ki aap is HRA amount par Income Tax bachaa sakte hain.
Tax Bachane Ke Liye Kya Documents Chahiye?
Aapko apni company ke HR/Accounts department me 2 cheezein jama karni hoti hain:
- Rent Agreement: Ek valid rent agreement jispe landlord aur aapke sign hon.
- Rent Receipts: Har mahine jo kiraya aapne diya hai, uski receipt jispe landlord ke signature hon aur agar cash diya hai toh Revenue Stamp laga ho.
Agar Rent 1 Lakh Se Zyada Hai Toh...
Agar aap saal me 1 Lakh rupaye (yani kareeb Rs. 8,333 per month) se zyada rent dete hain, toh aapko rent receipt ke sath apne Makan Malik ka PAN Card bhi company me submit karna compulsory hai. Agar landlord ke paas PAN nahi hai, toh unse ek Declaration sign karwana hoga.
Maa-Baap (Parents) Ko Rent Dena Legal Hai?
Haan! Agar aap apne parents ke naam par bane ghar me rehte hain, toh aap unhe rent de kar uska rent agreement aur receipt banwa sakte hain. Aapko HRA exemption mil jayega. Lekin dhyaan rahe, aapke parents ko wo rent amount apni Income Tax Return (ITR) me "Income from House Property" me dikhana hoga. (Husband/Wife ko rent dena valid nahi maana jata).
RentNiti Tool Ka Use Karein
Aap humari website RentNiti.com par free me professional Rent Receipts generate kar sakte hain jo sabhi companies aur Income Tax department me 100% valid hain.
